ལི་ཧྥུའུ་ཀྲུང་གིས་གྲོང་ཨུད་ཀྱི་ཆེད་དོན་ཚོགས་འདུ་གཙོ་སྐྱོང་གནང་ནས་གྲོང་ཁྱེར་ཡོངས་ཀྱི་དུས་ཚིགས་དང་པོའི་དཔལ་འབྱོར་འཁོར་སྐྱོད་གནས་ཚུལ་གསན་སྐབས་ཡང་དག་པའི་སྲིད་དོན་ལས་རྗེས་ཀྱི་ལྟ་བ་འཛུགས་པ་དང་ལག་ལེན་ཏན་ཏིག་བསྟར་བའི་གོ་སྐབས་དང་བསྟུན་ནས་ཡིད་ཆེས་སྔར་བས་བརྟན་གཏོང་དང་འགག་སྒྲོལ་དཀའ་སེལ། དོན་འཁྱོལ་དམ་འཛིན་བཅས་བྱས་ཏེ་ལོ་སྟོད་ཀྱི་དམིགས་ཚད་ལས་འགན་ཕྱེད་ཀ་ཡན་ལེགས་གྲུབ་འགན་ལེན་བྱེད་དགོས་པའི་ནན་བཤད་གནང་བ། 

འདི་ནི་ཚོགས་ར་ཡིན་པ།

ཚོགས་འདུས་ནན་བཤད་བྱས་དོན། མ་འཇོག་དང་འཛད་སྤྱོད་ལ་དམ་འཛིན་ནན་པོ་བྱེད་དགོས། ཐོག་མཐའ་བར་གསུམ་དུ་རྣམ་གྲངས་དེ་དཔལ་འབྱོར་འཕར་རྒྱུར་སྐུལ་ཁྲིད་བྱེད་པའི“འགག་རྩར”བརྩིས་ནས་རྣམ་གྲངས་འཛུགས་སྐྲུན་གྱི“དུས་སྐབས་ཡག་ཤོས”དམ་འཛིན་བྱེད་དགོས་པ་དང་། ས་ཁུལ་རིམ་པའི་འགོ་ཁྲིད་ཀྱིས་གཙོ་གནད་རྣམ་གྲངས་འགན་གཙང་ལེན་དང་། ཆེད་སྒྲུབ་ཚན་པས་སྐུལ་འདེད་གཏོང་བ་སོགས་ཀྱི་ལམ་སྲོལ་དོན་འཁྱོལ་ནན་པོ་བྱེད་དགོས་པ། འབྲེལ་གཏུག་མཐུན་སྦྱོར་ལ་ཤུགས་སྣོན་རྒྱག་པ། ལས་འགོ་འཛུགས་པ་དང་འཛུགས་སྐྲུན་བྱེད་མགྱོགས་སུ་གཏོང་བ། དཀའ་གནད་དང་འགག་གནད་རེ་རེ་བཞིན་ཐག་གཅོད་བྱེད་པ། སྤུས་ཚད་དང་བདེ་འཇགས་ལ་སྤྱི་འདོམས་སྐུལ་འདེད་གཏོང་བ་བཅས་བྱས་ཏེ་དངོས་འབོར་ཅན་དེ་བས་མང་བ་ལེགས་སྒྲུབ་ཐུབ་པའི་བརྩོན་ལེན་བྱེད་དགོས། འཛད་སྤྱོད་དེ་བརྟན་ཐོག་འཕར་བའི་དམ་འཛིན་བྱ་གཞི་གལ་ཆེན་དུ་འཛིན་རྒྱུ་མཐའ་འཁྱོངས་ཀྱིས། “གསར་གཉིས”ཀྱི་སྲིད་ཇུས་དོན་འཁྱོལ་མཐའ་འཁྱོངས་བྱས་ནས།“སྲིད་ཇུས་དང་བྱེད་སྒོ”མཉམ་སྡེབ་གང་ལེགས་བྱེད་པ། འཛད་སྤྱོད་ལ་སྐུལ་འདེད་གཏོང་བའི་རྣམ་པ་གསར་གཏོད་ཀྱིས་རྒྱུན་རྣམ་ཅན་དུ་འཛད་སྤྱོད་ལ་སྐུལ་འདེད་གཏོང་བའི་བྱེད་སྒོ་རབ་དང་རིམ་པ་སྤེལ་བ། སྣེ་མང་འཛད་སྤྱོད་ཀྱི་སྒུལ་ཤུགས་ཧུར་ཐག་གཏོད་པ། ཕྲེང་འབྲེལ་རྣམ་པའི་འཛད་སྤྱོད་རྣམ་པ་གཏོད་པ། ཟོག་འགྲེམས་ཀྱི“འཁོར་རྒྱུག་གཉིས”ཀྱི་མ་ལག་འཐུས་སྒོ་ཚང་དུ་གཏོང་བ་བཅས་བྱེད་དགོས། ཁྱད་ལྡན་ཐོན་ལས་སྟོབས་ཆེར་གཏོང་དགོས།སྲོལ་རྒྱུན་གྱི་ཐོན་ལས་ལེགས་སྒྱུར་དང་གོང་མཐོར་བཏང་སྟེ་ཡུལ་བབ་དང་བསྟུན་ནས་ཁྱད་ལྡན་ཞིང་འབྲོག་ཐོན་ལས་ལེགས་སུ་གཏོང་བ་དང་། འབྱུང་འཕྲོད་ཨར་ལས་རྒྱུ་ཆ་དང་། གཏེར་ལས་དཔལ་འབྱོར། མི་རིགས་ལག་ཤེས་བཟོ་ལས་བཅས་གོང་འཕེལ་ཤུགས་ཆེན་བཏང་ནས་ཐོན་ལས་ཀྱི་འབྲེལ་ཐག་རིང་དུ་གཏོང་རྒྱུ་དང་ཟུར་སྣོན་རིན་ཐང་ཆེ་རུ་གཏོང་དགོས། གསར་དར་ཐོན་ལས་སྐྱེད་སྲིང་དང་སྟོབས་ཆེར་གཏོང་བ་དང་། གླིང་ཁུལ་འཛུགས་སྐྲུན་ལ་སྐུལ་འདེད་མགྱོགས་པོ་གཏོང་བ། ནུས་རྒྱུ་གཙང་མའི་ཐོན་ལས་རྒྱུན་མཐུད་ངང་འཕེལ་རྒྱས་གཏོང་བ། ཐོན་སྐྱེད་ནུས་ཤུགས་གསར་མ་འཕེལ་རྒྱས་ཤུགས་ཆེན་གཏོང་བ། རྒྱལ་ཁབ་ཀྱི་འཐབ་ཇུས་གལ་ཆེན་གྱི་ཞབས་ཞུའི་འགན་ལེན་ལ་ཤུགས་སྣོན་རྒྱག་པ་བཅས་བྱས་ཏེ་ཁེ་ལས་ཀྱི་ཐོན་འཕར་དང་ཕན་འབྲས་ཆེ་རུ་གཏོང་དགོས། རིག་གནས་དང་ཡུལ་སྐོར་མཉམ་འདྲེས་འཕེལ་རྒྱས་གཏིང་ཟབ་གཏོང་བ་དང་། ཁྱད་ལྡན་རིག་གནས་དང་ཡུལ་སྐོར་གྱི་ལན་པར་ལ་དམིགས་པ། ཡུལ་སྐོར་གྱི་རྨང་གཞིའི་སྒྲིག་བཀོད་དང་སྤྱི་པའི་ཞབས་ཞུ་འཐུས་སྒོ་ཚང་དུ་གཏོང་བ། ལས་རྣམ་གསར་པ་སྐྱེད་སྲིང་བྱེད་པ། ལམ་ཐིག་རྩེ་གྲ་གཏོད་པ།“རིག་གནས་ཡུལ་སྐོར་དང་འགྲན་བསྡུར”བརྒྱུད་མི་རྒྱུན་འདྲེན་འགུག་བྱེད་སྟངས་ཁྱབ་གདལ་བཏང་ཐོག་རིག་གནས་ཡུལ་སྐོར་དང་འབྲེལ་བའི་ཐོན་ལས་མཉམ་འདྲེས་གཏིང་ཟབ་ངང་འཕེལ་རྒྱས་འགྲོ་རྒྱུར་སྐུལ་འདེད་གཏོང་དགོས། འཕེལ་རྒྱས་ཀྱི་ཁོར་ཡུག་ལེགས་སུ་གཏོང་དགོས།ཚོང་གཉེར་ཁོར་ཡུག་རྒྱུན་མཐུད་ངང་ལེགས་སུ་གཏོང་བ་དང་། རྒྱུ་ནོར་བདག་དབང་སྲུང་སྐྱོང་དང་། ཁྲོམ་རའི་ཆོག་འཐུས། དྲང་གཞག་འགྲན་རྩོད། སྤྱི་ཚོགས་ཡིད་རྟོན་སོགས་ཀྱི་ཁྲོམ་རའི་དཔལ་འབྱོར་གྱི་རྨང་གཞིའི་ལམ་ལུགས་དོན་འཁྱོལ་བྱེད་པ། ཁྲིམས་འགལ་གྱི་བྱེད་སྤྱོད་སྣ་ཚོགས་ལ་ཁྲིམས་ལྟར་རྡུང་རྡེག་གཏོང་བ། “ལས་ཕྱོད་ཆེན་པོས་བྱ་བ་གཅིག་སྒྲུབ་པའི”རྒྱུན་རྣམ་ཅན་གྱི་སྐུལ་འདེད་ལམ་སྲོལ་དོན་འཁྱོལ་བྱེད་པ། “དཔང་ཡིག་མེད་པའི་གྲོང་ཁྱེར”འཛུགས་སྐྲུན་བྱེད་མགྱོགས་སུ་གཏོང་བ་བཅས་བརྒྱུད་སྤུས་ལེགས་ཀུན་ཕན་གྱི་གཞི་རྒྱུ་གཙོ་བོའི་ཁོར་ཡུག་ཆ་ཚང་དུ་གཏོང་དགོས། ཚོང་འགུགས་མ་འདྲེན་བྱེད་ཤུགས་ཆེ་རུ་བཏང་ནས་ཚོང་འགུགས་བྱེད་སྟངས་སྣ་ཚོགས་སྟབས་བསྟུན་ངང་སྤྱད་དེ་ཚོང་འགུགས་མ་འདྲེན་གནད་སྨིན་བྱེད་དགོས།དམངས་འཚོའི་དངོས་དོན་ཡག་པོ་བསྒྲུབ་དགོས།ཞིང་འབྲོག་མང་ཚོགས་ཀྱི་འབབ་འཕར་སྲིད་ཇུས་དོན་འཁྱོལ་ནན་པོ་བྱས་ཏེ་རྩལ་ནུས་གསོ་སྦྱོང་དང་། ལས་གནས་སྦྲེལ་མཐུད། ངལ་ནུས་ཕྱིར་གཏོང་བཅས་བྱེད་ཤུགས་ཆེ་རུ་བཏང་ནས་མཐོ་སློབ་ཀྱི་སློབ་ཐོན་སློབ་མའི་ལས་ཞུགས་རོགས་སྐྱོར་ཡག་པོ་བྱེད་དགོས། སྤྱི་པའི་ཞབས་ཞུ་ཆ་སྙོམས་ཅན་དུ་འགྱུར་བར་མུ་མཐུད་སྐུལ་འདེད་གཏོང་བ་དང་། གྲོང་ཁུལ་གྱི་སྤུས་ཚད་ལེགས་སུ་གཏོང་རྒྱུ་མགྱོགས་སུ་གཏོང་བ། རྒྱལ་ཡོངས་ཀྱི་ཤེས་དཔལ་ལྡན་པའི་གྲོང་ཁྱེར་གཏོད་པའི་ལས་དོན་ཏན་ཏིག་ངང་ཡག་པོ་སྒྲུབ་པ། གྲོང་ཁྱེར་གྱི“ཅན་ལྔ”དང“ཤེས་དཔལ་ཡར་ཐོན་གྱི་སྲོལ་བཟང་སྐྱོང་ནས་བདེ་ཐང་དང་བདེ་སྐྱིད་ལྡན་པའི་འཚོ་བ་དར་སྤེལ་གཏོང་བའི”དྲིལ་བསྒྲགས་སློབ་གསོའི་བྱེད་སྒོ་གཏིང་ཟབ་སྤེལ་ཏེ། སྐྱོན་བྲལ་དང་ཤེས་དཔལ་ལྡན་པའི་སྲོལ་གསར་དར་སྤེལ་གཏོང་དགོས། མང་ཚོགས་ཉེ་འགྲམ་གྱི་བྱ་བ་དངོས་ཡག་པོ་སྒྲུབ་རྒྱུར་ཤུགས་སྣོན་བརྒྱབ་ནས“དམངས་འཚོའི་འདུ་འགོད་ཆེན་པོ་བཅུ”ལག་བསྟར་ཡག་པོ་བྱས་ཐོག་མང་ཚོགས་ཀྱི་ཐོན་སྐྱེད་དང་འཚོ་བའི་ཆུ་ཚད་འགན་ལེན་གྱིས་དམངས་འཚོའི་བདེ་རྩ་ཆེ་རུ་ཏན་ཏིག་གཏོང་དགོས། འཕེལ་རྒྱས་དང་བདེ་འཇགས་ལ་གཅིག་གྱུར་གྱིས་འཆར་འགོད་བྱེད་དགོས།བདེ་འཇགས་ཀྱི་ལས་འཛོལ་ཚབས་ཆེན་དང་ཧ་ཅང་ཚབས་ཆེན་ཐོན་རྒྱུ་འགོག་ཟོན་མཐའ་གཅིག་ཏུ་བྱེད་དགོས། ནུས་ཤུགས་གང་ཡོད་ཀྱིས་འགལ་བ་དང་རྩོད་གཞི་སེལ་དགོས་པ་དང་། རྒྱུན་རྣམ་ཅན་གྱི་སྒོ་ནས་མངོན་མེད་རྐྱེན་རྩ་གྲལ་བཤེར་དང་བཅོས་སྒྲིག་བྱས་ཏེ། བདེ་འཇགས་ཀྱི་ལས་འཛོལ་ཚབས་ཆེན་རིགས་མཐའ་གཅིག་ཏུ་འགོག་ཟོན་བྱེད་དགོས། ནུས་ཤུགས་གང་ཡོད་ཀྱིས་འགལ་ཟླ་རྩོད་གཞི་འདུམ་འགྲིག་དང་སེལ་ཐབས་བྱས་ཏེ། འགལ་ཟླ་གོང་རིམ་ལ་མི་སྤྲོད་པ་དང་། དུས་བདེ་ལས་གནས་ཚུལ་གང་བྱུང་མི་ཐོན་པ། ཞབས་ཞུར་ཁུག་ཆ་མ་ལུས་པ་བཅས་བྱེད་དགོས། སྐྱེ་ཁམས་སྲུང་སྐྱོང་གི་དམར་ཐིག་ནན་པོ་སྲུང་བ་དང་། གནད་དོན་དག་ཐེར་ལ་དམ་འཛིན་ཡག་པོ་བྱས་ཏེ་གཙོ་གནད་ས་ཁོངས་དང་གཙོ་གནད་ཁྱབ་ཁོངས་ཀྱི་སྐྱེ་ཁམས་སྲུང་སྐྱོང་དང་སླར་གསོར་ཤུགས་སྣོན་རྒྱག་དགོས།

ཡོང་ཁུངས། ལྷོ་ཁའི་བོད་ཡིག་ཚགས་པར། 

འགན་འཁུར་རྩོམ་སྒྲིག་པ།  བསོད་ནམས་བསྟན་པ།

ལག་བསྟར་རྩོམ་སྒྲིག་པ།    བསོད་ནམས་དོན་གྲུབ།

ཞུ་དག ཡེ་ཤེས་བཟང་མོ། །བདེ་སྐྱིད་དཔལ་སྒྲོལ།